Skipulag og hönnun vinnuumhverfis

Vinnuumhverfi sem styður við fólkið og starfið

Ertu að skipuleggja breytingar, endurnýja vinnuaðstöðu eða hanna nýjan vinnustað? Þá getur verið dýrmætt að fá sjúkraþjálfara með sérþekkingu á vinnuvernd að borðinu strax í upphafi.

Ergonomi vinnur með stjórnendum, arkitektum og hönnuðum að lausnum sem taka mið af verkefnum, vinnuaðstæðum og þörfum starfsfólks. Veitt er ráðgjöf um skipulag rýma, vinnuflæði, vinnuaðstöðu, val og staðsetningu búnaðar, svo sem vinnuborða, stóla og annarra lausna fyrir vinnustaðinn.

Einnig þarf að huga að þáttum eins og lýsingu, hljóðvist, loftgæðum og aðstöðu starfsfólks. Þar getur meðal annars verið um að ræða kaffistofu, hvíldaraðstöðu, salerni, búningsaðstöðu og önnur starfsmannarými. Þessir þættir eiga það til að gleymast við hönnun og breytingar en geta haft veruleg áhrif á líðan, einbeitingu og daglegt starf.

Jafnframt er mikilvægt að skipulag og aðstaða taki mið af gildandi kröfum og leiðbeiningum Vinnueftirlitsins. Með því að huga að þessum þáttum strax í upphafi má taka upplýstari ákvarðanir, nýta rými og búnað betur og draga úr líkum á kostnaðarsömum breytingum síðar.

Markmiðið er að skapa vinnuumhverfi sem styður við vellíðan starfsfólks, skilvirkt vinnuflæði og þarfir starfseminnar frá fyrsta degi.

Dæmi um viðfangsefni ráðgjafar

• Skipulag nýrra vinnurýma
• Breytingar og endurnýjun á vinnuaðstöðu
• Yfirferð teikninga og hönnunartillaga
• Skipulag rýma, vinnuflæði og staðsetning vinnusvæða
• Val og staðsetning vinnuborða, stóla og annars búnaðar
• Lýsing, hljóðvist og loftgæði
• Kaffistofur, hvíldarrými og önnur aðstaða starfsfólks
• Aðgengi og þarfir ólíkra hópa starfsfólks
• Betri nýting rýma og núverandi búnaðar
• Lausnir sem styðja við skilvirka verkferla

Fleiri þjónustur