Vinnustaðaúttekt og ráðgjöf

Heildstæð sýn á vinnuumhverfið

Við vinnustaðaúttekt er vinnuumhverfið skoðað heildstætt með hliðsjón af starfsfólkinu, verkefnunum og því hvernig vinnan er skipulögð. Farið er yfir vinnuaðstöðu, vinnubrögð, verkferla og búnað með það að markmiði að greina óþarfa álag og finna tækifæri til úrbóta.

Metið er hvort núverandi búnaður henti starfseminni og starfsfólkinu, hvort hægt sé að stilla hann eða nýta betur og hvort þörf sé á viðbótarbúnaði eða hjálpartækjum sem geta auðveldað vinnuna. Einnig er skoðað hvort breytingar á skipulagi, verkferlum eða dreifingu verkefna geti dregið úr líkamlegu álagi og streitu, einfaldað vinnuna og sparað tíma.

Að úttekt lokinni fær vinnustaðurinn skýrar og hagnýtar ráðleggingar sem taka mið af starfseminni og daglegum aðstæðum starfsfólks. Markmiðið er að stuðla að betri líðan og starfsánægju, draga úr óþarfa álagi og skapa skilvirkara vinnuumhverfi þar sem tími, búnaður og þekking starfsfólks nýtast sem best.

Úttektin er sniðin að starfsemi, aðstæðum og þörfum hvers vinnustaðar

Dæmi um viðfangsefni úttektar

• Vinnuaðstaða, vinnustellingar og líkamsbeiting
• Vinnubrögð og endurtekin verkefni
• Mat á búnaði og stillingum hans
• Mat á þörf fyrir nýjan búnað, hjálpartæki eða léttitæki
• Betri nýting búnaðar sem er þegar til staðar
• Verkferlar, vinnuskipulag og dreifing verkefna
• Leiðir til að draga úr líkamlegu álagi og streitu
• Lausnir sem geta einfaldað verkefni og sparað tíma
• Forgangsröðun raunhæfra úrbóta

Fleiri þjónustur